ஸ்டேட் பாங்க் ஆப் இந்தியா (SBI) வங்கி தனது வாடிக்கையாளர்களுக்கு ஆன்லைன் மூலமாக ATM இயந்திரங்களில் செயல்படுத்தப்படும் PIN எண்ணை உருவாக்கும் IVR அழைப்பு சேவைகளை தற்போது எளிதாக்கியுள்ளது.
PIN உருவாக்கம்
கொரோனா நோய் தொற்று காலத்தில் SBI வங்கி, தனது வாடிக்கையாளர்களின் பாதுகாப்பை கருத்தில் கொண்டு பல விதமான சேவைகளை ஆன்லைன் வழியே நிறைவேற்றி கொள்ள அனுமதி அளித்துள்ளது. இது தவிர வயது முதிர்ந்தவர்களுக்கான சில சேவைகளை வீடு தேடி சென்று வழங்கி வருகிறது. அந்த வகையில் தற்பொழுது ATM பரிமாற்றத்தின் போது பயன்படுத்தப்படும் PIN நம்பரை உருவாக்குவதற்கான IVR அழைப்பு சேவைகளை எளிதாக பெற்றுக்கொள்ளும் புதியதொரு வசதியை அறிமுகம் செய்துள்ளது. இந்த சேவைகளை வாடிக்கையாளர்கள் பெற்றுக் கொள்ள விரும்பினால், அதற்கு முதலில் வங்கி கணக்குடன் பதிவு செய்யப்பட்ட மொபைல் எண் மூலம் 1800 112 211 அல்லது 1800 425 3800 என்ற டோல் ஃப்ரீ எண்ணுக்கு கால் செய்யவும். அதில் தானியங்கி குரல் மூலம் கேட்கப்படும் தகவல்களுக்கு ATM மற்றும் டெபிட் கார்டு சேவைகளுக்கான எண் 2 ஐ அழுத்த வேண்டும். பின்னர் புதிய PIN எண்ணை உருவாக்குவதற்காக மீண்டும் எண் 1 ஐ அழுத்தவும்.
இதில் குறிப்பாக வங்கி கணக்குடன் பதிவு செய்யப்படாத மொபைல் எண்ணிலிருந்து கால் செய்தால் அதற்கு மட்டும் எண் 2 ஐ அழுத்த வேண்டும். இதையடுத்து உங்களுடைய ATM கார்டின் கடைசி 5 இலக்க எண்களை பதிவு செய்ய வேண்டும். பிறகு மீண்டும் எண் 1 ஐ அழுத்தவும். தொடர்ந்து எண் 2 ஐ திரும்பவுமாக அழுத்தி ATM அட்டையின் கடைசி ஐந்து இலக்க எண்களை பதிவு செய்து உறுதிப்படுத்தவும். மீண்டுமாக உங்கள் SBI வங்கி கணக்கின் கடைசி ஐந்து இலக்க எண்களை பதிவிட்டு எண் 1 ஐ அழுத்தி உறுதி செய்யவும். பிறகு 2 ஐ அழுத்தி வங்கிக் கணக்கின் கடைசி 5 இலக்கங்களை மறுபடியும் பதிவு செய்யவும். இந்த செயல்முறைகள் தொடர்ந்து மேற்கொள்ளப்பட வேண்டும் என்பதால் இவற்றை கவனமாக செய்ய வேண்டும். பின்னர் நீங்கள் பிறந்த தேதியை பதிவு செய்ய வேண்டும். இந்த வழிகளை தொடர்ந்து நிறைவேற்றினால் உங்கள் SBI வங்கியின் ATM அட்டைக்கான கிரீன் PIN உருவாக்கப்படும். இந்த PIN எண்ணை நீங்கள் மாற்ற விரும்பினால் SBI வங்கியின் ATM மையத்திற்கு சென்று மாற்றிக்கொள்ளலாம்.
