8th Science - Book Back Answers - Unit 19 - Tamil Medium Guides

 

8th Science - Book Back Answers - Unit 19 - Tamil Medium

Tamil Nadu Board 8th Standard  Science - Unit 19: Book Back Answers and Solutions

    This post covers the book back answers and solutions for Unit 19 – from the Tamil Nadu State Board 8th Standard  Science textbook. These detailed answers have been carefully prepared by our expert teachers at KalviTips.com.

    We have explained each answer in a simple, easy-to-understand format, highlighting important points step by step under the relevant subtopics. Students are advised to read and memorize these subtopics thoroughly. Once you understand the main concepts, you’ll be able to connect other related points with real-life examples and confidently present them in your tests and exams.

    By going through this material, you’ll gain a strong understanding of Unit 19 along with the corresponding book back questions and answers (PDF format).

Question Types Covered:

• 1 Mark Questions: Choose the correct answer, Fill in the blanks, Identify the correct statement, Match the following 
• 2 Mark Questions: Answer briefly 
• 3, 4, and 5 Mark Questions: Answer in detail

All answers are presented in a clear and student-friendly manner, focusing on key points to help you score full marks.

All the best, Class 8 students! Prepare well and aim for top scores. Thank you!

அலகு 19: விலங்குகளின் இயக்கம் 

I. சரியான விடையைத் தேர்ந்தெடுத்து எழுதுக.

1. நமது உடலின் பின்வரும் பாகங்களுள் எவை இயக்கத்திற்கு உதவுகின்றன?
(i) எலும்புகள்
(ii) தோல்
(iii) தசைகள்
(iv) உறுப்புகள்
கீழே உள்ளவற்றிலிருந்து சரியான பதிலைத் தேர்வு செய்க.
அ) (i) மற்றும் (iii)
ஆ) (ii) மற்றும் ( iv)
இ) (i) மற்றும் (iv)  
ஈ) (iii) மற்றும் (ii)
விடைக்குறிப்பு: 
அ) (i) மற்றும் (iii)

2. பின்வரும் உயிரினங்களுள் எதில் இயக்கத்திற்குத் தேவையான தசைகள் மற்றும் எலும்புகள் காணப்படுவதில்லை?
அ) நாய்
ஆ) நத்தை
இ) மண்புழு
ஈ) மனிதர்
விடைக்குறிப்பு: 
இ) மண்புழு

3. __________ மூட்டுகள் அசையாதவை.
அ) தோள்பட்டை மற்றும் கை
ஆ) முழங்கால் மற்றும் மூட்டு
இ) மேல் தாடை மற்றும் மண்டை ஓடு
ஈ) கீழ் தாடை மற்றும் மேல் தாடை
விடைக்குறிப்பு: 
இ) மேல் தாடை மற்றும் மண்டை ஓடு

4. நீருக்கடியில் நீந்துபவர்கள் ஏன் காலில் துடுப்பு போன்ற ஃபிளிப்பர்களை அணிகிறார்கள்?
அ) தண்ணீரில் எளிதாக நீந்த
ஆ) ஒரு மீன் போல காணப்பட
இ) நீரின் மேற்பரப்பில் நடக்க
ஈ) கடலின் அடிப்பகுதியில் நடக்க
விடைக்குறிப்பு: 
அ) தண்ணீரில் எளிதாக நீந்த

5. உங்கள் வெளிப்புறக் காதினைத் (பின்னா) தாங்குவது எது?
அ) எலும்பு
ஆ) குருத்தெலும்பு
இ) தசைநார்
ஈ) காப்ஸ்யூல்
விடைக்குறிப்பு: 
ஆ) குருத்தெலும்பு

6. கரப்பான் பூச்சி எதன் உதவியுடன் நகர்கிறது?
அ) கால்
ஆ) எலும்பு
இ தசைக்கால்
ஈ) முழு உடல்
விடைக்குறிப்பு: 
அ) கால்

7. முதுகெலும்புகளின் பின்வரும் வகைகளில் எதற்கு சரியான எண்ணிக்கை உள்ளது?
அ) கழுத்தெலும்பு - 7
இ) இடுப்பு எலும்பு - 4
ஆ) மார்பெலும்பு - 10
ஈ) வால் எலும்பு - 4
விடைக்குறிப்பு: 
அ) கழுத்தெலும்பு -7

8. __________ என்பது சுருங்கி விரியும் திசுக்கற்றை.
அ) எலும்பு
ஆ) எலும்புக்கூடு
இ) தசை
ஈ) மூட்டுகள்
விடைக்குறிப்பு: 
இ) தசை

II. கோடிட்ட இடங்களை நிரப்புக.

1. உயிரினங்கள் ஒரு இடத்திலிருந்து மற்றொரு இடத்திற்கு நகர்வது __________ எனப்படும்.
விடைக்குறிப்பு: 
இடம்பெயர்தல்

2. __________என்பது ஒரு உயிரினத்தின் உடல் பகுதியின் நிலையிலுள்ள மாற்றத்தைக் குறிக்கிறது.
விடைக்குறிப்பு: 
இயக்கம்

3. உடலுக்கு வலிமையான கட்டமைப்பை வழங்கும் அமைப்பு __________ எனப்படும்.
விடைக்குறிப்பு: 
எலும்பு மண்டலம்

4. மனிதனின் அச்சு எலும்புக்கூடு __________, __________, __________ மற்றும் __________ ஆகியவற்றைக் கொண்டுள்ளது.
விடைக்குறிப்பு: 
மண்டை ஓடு, முக எலும்புகள், ஸ்டெர்னம், முதுகெலும்புத் தொடர்

5. மனிதனின் இணைப்பு எலும்புக்கூடு __________ மற்றும் __________ ஆகியவற்றைக் கொண்டுள்ளது.
விடைக்குறிப்பு: 
தோள்பட்டை எலும்புகள், விலா எலும்புகள்

6. இரண்டு எலும்புகள் சந்திக்கும் இடம் __________ என அழைக்கப்படுகிறது.
விடைக்குறிப்பு: 
மூட்டு

7. அசையாத மூட்டு __________ ல் காணப்படும்.
விடைக்குறிப்பு: 
மண்டை ஓடு

8. இரத்த நாளங்கள், கருவிழி, மூச்சுக்குழாய் மற்றும் தோல் போன்ற உடலின் மென்மையான பாகங்களுடன் __________ இணைக்கப்பட்டுள்ளது.
விடைக்குறிப்பு: 
மென்மையான (அ) வரியற்ற தசைகள்

9.__________ தசை கண்பாவையை அகலமாக்குகிறது. 
விடைக்குறிப்பு: 
ரேடியல்

III. சரியா அல்லது தவறா எனக் கூறுக. தவறான கூற்றைத் திருத்தி எழுதுக.

1. மனிதர்களின் மண்டை ஓடு 22 எலும்புகளைக் கொண்டுள்ளது.
விடைக்குறிப்பு: 
சரி

2. மனித முதுகுத்தண்டில் 30 முதுகெலும்புகள் உள்ளன.
விடைக்குறிப்பு: 
சரி

3. மனித உடலில் 12 ஜோடி விலா எலும்புகள் உள்ளன.
விடைக்குறிப்பு: 
சரி

4. இடுப்பு என்பது அச்சு எலும்புக்கூட்டின் ஒரு பகுதியாகும்.
விடைக்குறிப்பு: 
தவறு
இடுப்பு என்பது இணையுறுப்பு எலும்புக்கூட்டின் ஒரு பகுதியாகும்.

5. கீழ் மூட்டு சற்று நகரக்கூடிய மூட்டு.
விடைக்குறிப்பு: 
தவறு
கீழ் மூட்டு என்பது அசையும் மூட்டிற்கு எடுத்துக்காட்டாகும்.

6. இதயத் தசை ஒரு இயக்கு தசை.
விடைக்குறிப்பு: 
தவறு
இதயத் தசைகள் ஒரு தன்னிச்சையற்ற இயக்குத் தசையாகும்.

7. கையில் காணப்படும் வளைதசைகளும் நீள்தசைகளும் எதிரெதிர் தசைகளாகும்.
விடைக்குறிப்பு: 
சரி

IV. மிகச் சுருக்கமான விடையளி.

1. எலும்புக்கூடு என்றால் என்ன?

• எலும்பு மண்டலம் மனித உடலுக்கு கடினத்தன்மை அல்லது கட்டமைப்பை வழங்குகிறது.
• இது மனித உடலைத் தாங்கி அதற்கு பாதுகாப்பளிக்கிறது.

 

2. கிரானியம் என்றால் என்ன?

• மண்டையோட்டின் ஒரு சிறிய பகுதி மூளையை பாதுகாக்கிறது. இது கிரானியம் எனப்படும்.
• இவை மண்டையோட்டின் 8 எலும்புகள் இணைவதால் உருவாகிறது.

 

3. நமது முதுகெலும்பு ஏன் சற்று நகரக்கூடியது?

• இவ்வகை எலும்புகளில், இரண்டு எலும்புகளுக்கு இடையில் மிகக் குறைந்த இயக்கம் மட்டுமே நிகழ்கிறது. 
• எனவே இவை சற்று நகரக்கூடிய மூட்டிற்கு எடுத்துக்காட்டாகும்.

 

4. அச்சு மற்றும் இணைப்பு எலும்புக்கூட்டை வேறுபடுத்துக.

அச்சு எலும்புக்கூடு	இணையுறுப்பு எலும்புக்கூடு
மனித உடலின் அச்சு அல்லது மையக்கோட்டில் அமைந்துள்ளது.	இவை உடலின் இணையுறுப்புகளிலுள்ள எலும்புகளையும் உறுப்புகளை அச்சு எலும்பு கூட்டுடன் இணைக்கிறது.
இவை மண்டையோடு, முக எலும்புகள், ஸ்டெர்னம், விலா எலும்புகள் மற்றம் முதுகெலும்புத் தொடர் ஆகியவற்றைக் கொண்டுள்ளன.	இவை தோள்பட்டை எலும்பு, கை, மணிக்கட்டு, கை எலும்புகள், இடுப்பு, கால், கணுக்கால் மற்றும் கால் எலும்புகள் ஆகியவற்றைக் கொண்டுள்ளது.

 

5. தசைநார் என்றால் என்ன?

திசுக்களை எலும்புடன் இணைக்கக்கூடிய, விரைப்புத்தன்மையுடைய நார் போன்ற கடினமான பட்டைத்திசு.

 

6. தசை - வரையறு.

• அனைத்து இயக்கங்களுக்கும் உடலில் உள்ள தசைகள் வழிவகை செய்கின்றன.
• இவை எலும்பு மண்டலத்தை மூடியிருப்பதோடு உடலுக்கு வடிவத்தையும் தருகின்றன.

 

7. தசைநாண் மற்றும் தசைநார் ஆகியவற்றை வேறுபடுத்துக.

தசைநாண்	தசைநார்
மூட்டுகளின் இயக்கத்திற்கு உதவும் வகையில் அவற்றைச் சுற்றியுள்ள கடினமான, பட்டை போன்ற திசுக்கள்.	திசுக்களை எலும்புடன் இணைக்கக் கூடிய விரைப்புத்தன்மை கொண்ட திசு.
மீள்தன்மை கொண்டது.	மீள்தன்மையற்றது.

 

V. சுருக்கமான விடையளி.

1. பின்வருவனவற்றினை வேறுபடுத்துக.

அ) இயக்கம் மற்றும் இடம்பெயர்தல்

இயக்கம்	இடம்பெயர்தல்
உடலின் ஒன்று அல்லது அதற்கு மேற்பட்ட பகுதிகளால் இடம் அல்லது நிலையை மாற்றும் செயல்	ஓர் உயிரினம் ஓர் இடத்திலிருந்து மற்றொரு இடத்திற்கு நகர்வது ஆகும்.
இது தன்னிச்சையானதாகவோ தன்னிச்சையற்றதாகவோ இருக்கலாம்.	தன்னிச்சையாக நடைபெறக்கூடியது.

ஆ) புற எலும்பு மண்டலம் மற்றும் அக எலும்பு மண்டலம்

புற எலும்பு மண்டலம்	அக எலும்பு மண்டலம்
இது உடலின் வெளிப்புற அடுக்கில் காணப்படும் எலும்புக்கூடு ஆகும்.	இது மனித  உடலுக்குள் காணப்படும் எலும்புக்கூடு ஆகும்.
வளரும் கருவின் புறப்படை மற்றும் இடைப்படை அடுக்கிலிருந்து இது உருவாகிறது.	இது இடைப்படையிலிருந்து உருவாகிறது.

இ) தோள்பட்டை வளையம் மற்றும் இடுப்பு வளையம்

தோள்பட்டை வளையம்	இடுப்பு வளையம்
இது பெக்டோரல் வளையம் என்று அழைக்கப்படுகிறது.	இது பெல்விக் வளையம் என்று அழைக்கப்படுகிறது.
பெல்விக் வளையம் என்று அழைக்கப்படுகிறது.	இது பின்பறத்தில் ஐந்து இணைந்த முதுகெலும்புகளால் ஆனது.

ஈ) பந்து கிண்ண மூட்டு மற்றும் கீல் மூட்டு

பந்து கிண்ண மூட்டு	கீழ் மூட்டு
பந்து முனை போன்ற எலும்பின் தலைப்பகுதி அருகிலுள்ள கிண்ணம் போன்ற எலும்புடன் இணைந்து காணப்படும்.	உருளை வடிவ எலும்பின் புடைப்பு அருகிலுள்ள எலும்பின் குழிப்பகுதியில் இணைந்துள்ளது.
எ.கா: தோள்பட்டை, இடுப்பு	எ.கா: முழங்கை, முழங்கால், கணுக்கால்

உ) தன்னிச்சையான மற்றும் தன்னிச்சையற்ற தசை

தன்னிச்சையான தசை	தன்னிச்சையற்ற தசை
கிளைகளற்றவை, உட்கருக்களைக் கொண்டது.	பல கிளைகளற்றது. ஒன்றை மையக்கரு கொண்டது.
கைகள், கால்கள், கழுத்து ஆகிய இடங்களில் காணப்படுகிறது.	இரத்த நாளங்கள், கருவிழி, மூச்சுக்குழாய் மற்றும் தோல் போன்ற பகுதிகளில் காணப்படுகிறது.

 

2. எதிரெதிர் தசைகள் என்றால் என்ன? ஒரு உதாரணம் கொடு.

• தசைகள் பெரும்பாலும் ஜோடியாக ஒன்றுக்கொன்று எதிராக வேலை செய்கின்றன. இவை எதிரெதிர் ஜோடிகள் என்று அழைக்கப்படுகின்றன.
• எ.கா: கையின் இருதலைத்தசை மற்றும் முத்தலைத்தசை

3. பறவைகளின் எலும்புக்கூடு எவ்வாறு பறப்பதற்கு ஏற்றதாக உள்ளது?

• பறவைகளில் சீரான உடல் அமைப்பு காணப்படுகிறது.
• இதன் எலும்புகள் எடை குறைந்தும், வலுவுடனும் காணப்படுகிறது.
• எலும்புகள் உள்ளீடற்றும், காற்று இடைவெளிகளைக் மார்பெலும்புகள்
• கொண்டும் காணப்படுகின்றன.
• இறக்கைகளை மேலும் கீழும் அசைப்பதற்கு உதவக்கூடிய பெரிய தசைகளைக் கொண்டிருக்கும் வகையில், மாற்றமடைந்துள்ளன. 

4. மனித உடலில் எலும்புக்கூட்டின் செயல்பாடுகள் யாவை?

• இது உடலுக்கு அமைப்பு மற்றும் வடிவத்தை வழங்குகிறது.
• உடலின் உள்ளுறுப்புகளைத் தாங்கி அவற்றைச் சூழ்ந்து காணப்படுகிறது.
• உடலைச் சீரமைக்கும் செயல்பாடுகளுக்குத் தேவையான தாதுக்கள் எலும்புகளுக்குள் சேமிக்கப்படுகின்றன.
• எலும்பு மண்டலத்தின் எலும்புகள் நெம்புகோல் போல் செயல்படுகின்றன. தசைகளின் செயல்பாட்டிற்கு
• எலும்பு மஜ்ஜையில் ரத்த சிவப்பு அணுக்களை உருவாக்குகின்றன. 

 

VI. விரிவான விடையளி.

1. மூட்டுகளின் வகைகளைக் கூறுக. ஒவ்வொரு வகைக்கும் ஒரு எடுத்துக்காட்டு தருக.

• இரண்டு தனித்தனி எலும்புகள் சந்திக்கும் இடம் மூட்டு என்று அழைக்கப்படுகிறது. 
• அசைக்கக்கூடிய தன்மையின் அடிப்படையில் மூட்டுக்களில் மூன்று வகைகள் உள்ளன. அவையாவன, நிலையானவை, சற்று நகரக்கூடியவை மற்றும் நகரக்கூடியவை.

நிலையான, அசையாத மூட்டுகள்:

• இந்த வகை மூட்டுகளில் இரண்டு எலும்புகளுக்கு இடையில் எந்த ஒரு இயக்கமும் காணப்படாது. 
• எ.கா: மண்டையோட்டின் எலும்புகள்

சற்று நகரக்கூடிய மூட்டுகள்:

• இவ்வகை மூட்டுகளில், இரண்டு எலும்புகளுக்க இடையில் மிகக் குறைந்த (பகுதி) இயக்கம் மட்டுமே நிகழ்கிறது.
• எ.கா: முதுகெலும்புகளுக்கு இடையில் உள்ள மூட்டு

நகரக்கூடிய மூட்டுகள்:

• இரண்டு எலும்புகள் இணைந்து மூட்டுகளை உருவாக்கும். இந்த வகையில், பல்வேறு வகையான அசைவுகள் நடைபெறுகின்றன. 
• எ.கா: பந்துகிண்ண மூட்டு

 

2. மனித அச்சு எலும்புக்கூட்டைப் பற்றி எழுதுக. அதன் படம் வரைந்து பாகங்களைக் குறி.

அச்சு எலும்புக்கூடு:

• மனித உடலின் அச்சு அல்லது மையக்கோட்டில் அமைந்துள்ள எலும்பகளை அச்சு எலும்புக்கூடு கொண்டுள்ளது. 
• அச்சு எலும்புக்கூட்டில மண்டை ஓடு, முக எலும்புகள், ஸ்டெர்னம் (மார்பக எலும்பு), விலா எலும்புகள் மற்றும் முதுகெலும்புத் தொடர் ஆகியவை உள்ளன.

அ) மண்டை ஓடு:

• மண்டை ஓடு என்பது சிறிய எலும்புகளால் ஆன கடினமான அமைப்பு ஆகும்.
• இது 22 எலும்புகளால் ஆனது.
• அதில் 8 எலும்புகள் ஒன்றாக இணைவதால் கிரேனியம் உருவாகிறது.
• மேலும் 14 எலும்புகள் இணைந்து முகத்தினை உருவாக்குகின்றன.
• அசையும் மூட்டு கொண்ட ஒரே எலும்பு கீழ்த்தாடை எலும்பாகும்.
• இந்த நகரக்கூடிய மூட்டு, தசைகள் மற்றும் தசைனார்களால் தாங்கப்படுகிறது.
• முதுகெலும்பின் மேற்புறத்தில் வைக்கப்பட்டுள்ள மண்டை ஓட்டை மேலும், கீழும் மற்றும் பக்கவாட்டிலும் நகர்த்தலாம்.

ஆ) முள்ளெலும்புத் தொடர்:

• உடலின் பின்புறத்தில் நீண்டிருக்கும் முள்ளெலும்புத் தொடர் முதுகுத்தண்டு அல்லது முதுகெலும்பு என்று அழைக்கப்படுகிறது.
• உடலின் மேல் பகுதியினைத் தாங்குகின்ற தண்டுப் பகுதியாக இது உள்ளது.
• முதுகெலும்புத் தொடர் முதுகு எலும்புகள் எனப்படும் தனிப்பட்ட எலும்புகளால் ஆனது.
• முள்ளெலும்புத் தொடரில் 7 கழுத்து எலும்புகள், 12 மார்பு எலும்புகள், 5 இடுப்பு எலும்புகள், 3 வால் மற்றும் திருகெலும்புகள்

இ) மார்பெலும்பு அல்லது விலா எலும்பு:

• விலா எலும்பு மார்புப் பகுதியில் இடம்பெற்றுள்ளது.
• இது 12 ஜோடி விலா எலும்புகளைக் கொண்ட கூம்பு வடிவ அமைப்பாகக் காணப்படுகின்றது. 

 

3. முதுகெலும்புகளின் கட்டமைப்பை விவரிக்கவும்.

• ஓள்ளெலும்பின் முக்கிய எடைதாங்கும் பகுதி சென்டிரம் எனும் மையப்பகுதியாகும்.
• அடுத்தடுத்த இரு முள்ளெலும்புகளின் மையப்பகுதியின் இடையில் குருத்தெலும்பு இடைத்தட்டுகள் உண்டு.
• ஓர் முள் எலும்பின் மையப்பகுதியின் மேற்புறத்தில் ஓர் முள்ளெலும்பு வளைவு உண்டு.
• இவ்வளவு ஓர் நரம்புக் கால்வாயைச் சூழ்ந்துள்ளது.
• இக்கால்வாயில் தண்டுவடம் உள்ளது.
• முள்ளெலும்பு வளைவில் பல எலும்பு நீட்சிகள் உண்டு.
• மையப்பகுதியின் இருபுறங்களிலும் இருபக்க நீட்சிகள் உள்ளன.
• மேல் புறத்தில் ஓர் நியூரல் முள் உண்டு.
• இந்நீட்சிகள் தசைகள் இணைவதற்கு இடமளிக்கின்றன.
• மேலும் முன், பின் முள்ளெலும்புகளுடன் பொருந்தும் வகையில் இரு மேல், இரு கீழ் நீட்சிகளுள்ளன.

 

4. கூர்மையான உடல் என்றால் என்ன? தண்ணீரில் பறக்கும் அல்லது நீந்தக்கூடிய விலங்குகளின் இயக்கத்திற்க இது எவ்வாறு உதவுகிறது?

• மீன்கள் கூர்மையான உடல் அமைப்பைப் பெற்றுள்ளன. 
• எனவே, அவற்றால் நீரின் ஓட்டத்துடன் சீராகச் செல்ல முடிகிறது. 
• உடல் மற்றும் வாலில் உள்ள தசைகள் மற்றும் செதில்கள் சமநிலையை பேணுவதற்கு அவற்றிற்கு உதவுகின்றன.

மீன்:

• மீன்கள் துடுப்புகளின் உதவியுடன் நீந்துகின்றன.
• இவை இரண்டு இணையான துடுப்புகளையும், ஒரு இணையற்ற துடுப்பையும் கொண்டுள்ளன.
• நீரில் தடையின்றி நீந்தும் வகையில் இதன் உடல் நீண்டு, படகு போல் கூர்மையாகக் காணப்படுகின்றது.
• வலுவான தசைகள் நீந்த உதவுகின்றன.
• மீன்கள் நீந்தும்போது அதன் முன்பகுதி ஒரு புறம் வளைந்தும், வால்பகுதி அதற்கு எதிர்த்திசையிலும் காணப்படும்.
• அடுத்த நகர்வில் முன்பகுதி எதிர்ப்பக்கமாக வளைகிறது.
• வால்பகுதியும் வேறொரு திசையை நோக்கி நகர்கிறது. 'காடல்' வால் துடுப்பு திசையை மாற்ற உதவுகிறது.

 

5. உயிரினங்களில் காணப்படும் பல்வேறு வகையான இயக்கங்களைப் பற்றி எழுதுக.

மண்புழு:

• மண்புழுவின் உடல், ஒன்றுக்கு ஒன்று இணைக்கப்பட்ட 2 வளையங்களால் ஆனது.
• நீள்வதற்கும் சுருங்குவதற்கும் தேவையான தசைகளை இது கொண்டுள்ளது.
• அதன் உடலின் அடிப்பகுதியில், தசைகளுடன் இணைக்கப்பட்ட சீட்டே எனப்படும் ஏராளமான நீட்சிகள் உள்ளன.
• இந்த நீட்சிகள் தரையைப் பற்றிக்கொள்ள உதவுகின்றன.
• இத்தகைய தசைச் சுருக்கம் மற்றும் தளர்வுகளை மீண்டும் மீண்டும் நிகழ்த்தி மண்புழு மண்ணின் மீது நகர்ந்து செல்கிறது.
• உடலில் சுரக்கும் ஒரு பிசுபிசுப்பான திரவம் இந்த இயக்கத்திற்கு உதவுகிறது.

கரப்பான் பூச்சி:

• கரப்பான் பூச்சியில் மூன்று ஜோடி இன ஜோடி இணைந்த கால்கள் உள்ளன. அவை நடக்கவும், ஓடவும் மற்றும் மேலே ஏறவும் உதவுகின்றன.
• இது பறப்பதற்கு இரண்டு ஜோடி இறக்கைகளைக் கொண்டுள்ளது.
• கால்களின் இயக்கத்திற்கு பெரிய மற்றும் வலுவான தசைகள் உதவுகின்றன.
• கைட்டின் எனப்படும் ஒளிப் பாதுகாப்புப் பொருளால் உடல் முழுவதும் மூடப்பட்டுள்ளது.
• உடலின் சீரான வளர்ச்சிக்கு உதவும் வகையில், கைட்டின் ஒரு குறிப்பிட்ட கால இடைவெளியில் உரிகின்றது.

பறவைகள்:

• பறவைகளால் தரையில் நடக்கவும், பறக்கவும் முடியும். சில பறவைகளால் நீரில் நீந்தவும் முடியும்.
• பறவைகளில் சீரான உடல் அமைப்பு காணப்படுகிறது.
• இதன் எலும்புகள் எடை குறைந்தும், வலுவுடனும் காணப்படுகின்றன.
• எலும்புகள் உள்ளீடற்றும், காற்று இடைவெளிகளைக் கொண்டு காணப்படுகின்றன.
• பறவைகளின் பின்னங்கால்கள் நகங்களாக மாறியுள்ளன.
• அவை பறவைகள் நடக்கவும் அமரவும் பயன்படுகின்றன.
• இறக்கைகளை மேலும் கீழும் அசைப்பதற்கு உதவக்கூடிய பெரிய தசைகளைச் கொண்டிருக்கும் வகையில் மார்பெளும்புகள் மாற்றமடைந்துள்ளன.
• பறவைகள் பறப்பதற்கேற்ற சிறப்பான தசைகளைக் கொண்டுள்ளன.
• மேலும், முன்னங்கால்களில் சிறகுகளால் மாற்றமடைந்துள்ளன.
• பறப்பதற்கு உதவக்கூடிய நீண்டு இறகுகளை வால் மற்றும் செட்டைகள் கொண்டுள்ளன.

 

6. பல்வேறு வகையான தசைகள் குறித்து சிறு குறிப்பு எழுதுக.

தசைகளின் வகைகள்:

• 1. வரித்தசை அல்லது எலும்புத்தசை அல்லது தன்னிச்சையான தசைகள்,
• 2. வரியற்ற அல்லது மென்மையான அல்லது தன்னிச்சையற்ற தசைகள்.
• 3. இதயத் தசைகள்.

மனித உடலில் காணப்படும் வெவ்வேறு வகையான தசைகள்.

தசை	அமைவிடம்	பண்புகள்
வரித்தசை, எலும்புத்தசை	எலும்புகளுடன் இணைக்கப்பட்டிருக்கும்.	பல உட்கருக்களைக் கொண்டுள்ளது.
தன்னிச்சையான தசை	கைகள், கால்கள், கழுத்து ஆகிய இடங்களில் காணப்படுகிறது.	கிளைகளற்றவை. தன்னிச்சையானவை.
வரியற்ற / மென்மையான / தன்னிச்சையற்ற தசை	இரத்த நாளங்கள், கருவிழி, மூச்சுக்குழாய் மற்றும் தோல் போன்ற உடலின் மென்மையான பகுதிகளுடன் இணைக்கப்பட்டுள்ளது.	ஒற்றை மையக்கரு, தன்னிச்சையற்றது.
இதயத் தசை	இதயம்	கிளைகளுடையது. 1-3 மைய உட்கரு, தன்னிச்சையற்றது.