தமிழகத்தில் அடுத்த இரு நாட்களுக்கு வெயிலின் தாக்கம் அதிகரிக்கும்: சென்னை வானிaலை ஆய்வு மையம்:

 

தமிழகத்தில் அடுத்த இரு நாட்களுக்கு வெப்பம் அதிகரிக்குமென சென்னை வானிலை ஆய்வு மையம் தெரிவித்துள்ளது.

நாமக்கல், கரூர் மாவட்டங்களில் பகல் நேர வெப்பநிலை இயல்பை விட 7 டிகிரி பாரன்ஹீட் வரை அதிகரிக்க கூடுமென அந்த மையத்தின் செய்தி குறிப்பில் கூறப்பட்டுள்ளது. 9 ஆம் தேதி முதல் 11 ஆம் தேதி வரை குமரிக்கடல் பகுதியில் வளிமண்டல மேலடுக்கு சுழற்சி உருவாகக் கூடும் என்றும்,இதனால் மேற்கு தொடர்ச்சி மலையை ஒட்டிய மாவட்டங்கள், தென் தமிழகத்தில் ஓரிரு இடங்களில் லேசான மழை பெய்யக்கூடுமென குறிப்பிடப்பட்டுள்ளது.

சென்னை நகரில் அடுத்த இரு நாட்களுக்கு வானம் ஓரளவு மேகமூட்டத்துடன் காணப்படும் என்றும், நகரின் அதிகபட்ச வெப்பநிலை 95 டிகிரி பாரன்ஹீட்டாகவும், குறைந்த பட்ச வெப்பநிலை 78.8 டிகிரி பாரன்ஹீட்டாகவும் இருக்கும் என்றும் தெரிவிக்கப்பட்டுள்ளது.

Read More

4000-ஐ நெருங்கும் கரோனா பரவல்; கட்டுப்பாடு வருகிறதா?- தலைமைச் செயலர் ஆலோசனை :

கரோனா தொடர்ந்து அதிகரித்து வருவதால் தடுப்பு நடவடிக்கைகளை மேற்கொள்ள தமிழக ராஜீவ் ரஞ்சன் அதிகாரிகளுடன் நடத்தினார். மீண்டும் தளர்வுகள் நீக்கப்பட்டு கட்டுப்பாடுகள் வரலாம் எனத் தெரிகிறது.

கரோனா தொற்றுப் இரண்டாம் அலையாக வேகமாகப் பரவி வருகிறது. பொதுமக்கள் முகக்கவசம் அணியாதது, பொது வெளியில் சமூக இடைவெளியின்றிக் கூடுவது, சமூக இடைவெளி உள்ளிட்ட பாதுகாப்பு அம்சங்களைக் கடைபிடிக்காதது காரணமாக கரோனா தொற்று வேகமாகப் பரவி வருகிறது.

தமிழ்நாட்டில் தினசரி கரோனா வைரஸ் பரவலின் எண்ணிக்கை, தினமும் 4000-ஐ நோக்கி உயர்ந்து வருகிறது. தலைநகர் சென்னை தினமும் 1500 என்கிற எண்ணிக்கையை நோக்கி நகர்கிறது. தமிழ்நாட்டில் மார்ச் மாதத் தொடக்கத்தில் தினசரி கரோனா தொற்றுகளின் எண்ணிக்கை 450 என்ற அளவுக்குக் குறைந்திருந்தது.

ஆனால், கரோனா குறித்த அலட்சியம் காரணமாக தற்போது கரோனா வேகம் பல மடங்கு அதிகரித்துள்ளது. 30 நாட்களுக்கு முன் (மார்ச் 6) தினசரி கரோனா 562 மட்டுமே. 30 நாட்களில் இந்த அளவு 648 சதவீதம் அதிகரித்து அதிர்ச்சியை ஏற்படுத்தி வருகிறது.

இரண்டாவது அலையில் கரோனா வேகம் இரு மடங்கு அதிகரித்திருக்கிறது. பொதுமக்கள் முகக்கவசம் அணியாதது முக்கியக் காரணம் என சுகாதாரத் துறைச் செயலர் எச்சரித்தாலும் பொதுமக்கள் அலட்சியமாக இருப்பதையே இது காட்டுகிறது.

பொதுமக்கள் முகக்கவசம் அணியாவிட்டால், பாதுகாப்பில் அலட்சியம் காட்டினால் ரூ.5000 வரை அபராதம் விதிக்கலாம் என பாமக நிறுவனர் ராமதாஸ் எச்சரித்து பொதுமக்கள் விழிப்புடன் இருக்க வேண்டுகோள் வைத்துள்ளார்.

இந்நிலையில் தேர்தல், வாக்களிப்பு முடிந்துவிட்டதால் இனி கட்டுப்பாடுகளை அமல்படுத்துவதன் மூலம் கரோனாவை கட்டுக்குள் கொண்டுவர முடிவெடுத்துள்ளது. நாளை கரோனா குறித்து முதல்வர்களுடன் பிரதமர் மோடி நடத்த உள்ள நிலையில், தமிழகத்தில் தேர்தல் நடைமுறை காரணமாக ராஜீவ் ரஞ்சன் இக்கூட்டத்தில் பங்கேற்க உள்ளார்.

இதன் காரணமாக தமிழக அரசு எடுக்க உள்ள நிலைப்பாடு குறித்தும், கரோனா குறித்து தடுப்பு நடவடிக்கைகள் என்னென்ன எடுப்பது என்பது குறித்து ஆய்வு நடத்த இன்று தலைமைச் செயலகத்தில் ராஜீவ் ரஞ்சன் தலைமையில் ஆலோசனைக் கூட்டம் நடந்தது.

இந்தக் கூட்டத்தின் மூலம் சில கட்டுப்பாடுகளை விதிக்கும் அறிவிப்புகள் வரலாம் எனத் தெரிகிறது. முதற்கட்டமாக ஏற்கெனவே அளிக்கப்பட்ட தளர்வுகளை நீக்கலாம் எனத் தெரிகிறது.

பொதுமக்கள் அதிகம் கூடும் இடங்களுக்குக் கட்டுப்பாடு கொண்டுவருவது, திரையரங்கு, ஜிம், நீச்சல் பயிற்சி நிலையங்கள், ஷாப்பிங் மால்கள், சுற்றுலாத் தளங்களில் கட்டுப்பாடுகளும், முகக்கவசம் அணிவது கட்டாயமாக்கப்பட்டு அணியாவிட்டால் அபராதம் என்பது கொண்டு வரப்படும் எனத் தெரிகிறது.

Read More

தமிழ்நாடு அரசு போக்குவரத்துக் கழகத்தில் வேலைவாய்ப்பு பயிற்சி அறிவிப்பு: பெண்கள் விண்ணப்பிக்கலாம்

தமிழ்நாடு அரசு போக்குவரத்துக் கழகம் தற்போது வேலைவாய்ப்பு பயிற்சி அறிவித்துள்ளது.

இந்த அறிவிப்பானது Computer Operator மற்றும் Programming Assistant பணிகளுக்கு பயிற்சி வழங்கிட தேசிய பயிற்சி ஊக்குவிப்பு திட்டம் மூலம் அறிவிப்பு வெளியிடப்பட்டுள்ளது.

இதற்கு தகுதியும் விருப்பமும் பெண்கள் இந்த பயிற்சியில் சேர்ந்து பயனடையுமாறு கேட்டுக்கொள்ளப்படுகிறார்கள்.

நிறுவனம்: தமிழ்நாடு அரசு போக்குவரத்துக் கழகம், கும்பகோணம்

பணி: Computer Operator

பணி: Programming Assistant காலியிடங்கள்: 15

தகுதி: பத்தாம் வகுப்பு தேர்ச்சி பெற்றிருக்கும் பெண் விண்ணப்பத்தாரர்கள் விண்ணப்பிக்க தகுதியானவர்கள்.

பயிற்சிக் காலம்: Basic Tranning Duration - 500 Hours, Onthe Job Traning Duration - 12 Months. பயிற்சியானது வாரத்தில் 6 நாள்களே மட்டுமே நடைபெறும்.

உதவித்தொகை: பயிற்சியின்போது மாதம் ரூ.7000 - 7,500 வழங்கப்படும். விண்ணப்பிக்கும் முறை: apprenticeshipindia.gov என்ற இணையதளத்தின் மூலம் ஆன்லைனில் விண்ணப்பிக்கவும்.

மேலும் விவரங்கள் https://apprenticeshipindia.org/apprenticeship/opportunity-view/6059c7e3f6f9d7173e02e107 என்ற லிங்கில் சென்று தெரிந்துகொள்ளவும்.

Read More

TNTEU - B.Ed./M.Ed. Degree Examinations, May-June 2019 – Collection of Degree Certificates in person"

"

"TNTEU - B.Ed./M.Ed. Degree Examinations, May-June 2019 – Collection of Degree Certificates in person"

CLICK HERE TO DOWNLOAD FULL PDF

Read More

அரியர் தேர்வை ரத்து செய்ததை ஏற்க முடியாது... மாணவர்களுக்கு அரியர் தேர்வுகளை நடத்த பரிசீலினை செய்க : தமிழக அரசுக்கு உத்தரவு

அரியர் தேர்வை ரத்து செய்ததை ஏற்க முடியாது என்று சென்னை உயர் நீதிமன்றம் உத்தரவிட்டுள்ளது.கொரோனா பரவல் காரணமாக 2020ம் ஆண்டு பயின்ற தமிழக கல்லூரி மாணவர்களை தேர்வின்றி தேர்ச்சி செய்து தமிழக அரசு கடந்தாண்டு உத்தரவிட்டது. 

மேலும், அரியர் தேர்வுகளிலும் மாணவர்கள் தேர்ச்சி பெறுவதாக தமிழக அரசு அறிவித்தது. தமிழக அரசின் உத்தரவை எதிர்த்து சென்னை உயர்நீதிமன்றத்தில் வழக்கு தொடரப்பட்டது.

இந்நிலையில் மேற்கண்ட வழக்கு இன்று விசாரணைக்கு வந்த போது, அரியர் தேர்வுகளை ரத்து செய்து தமிழக அரசு பிறப்பித்த உத்தரவை ஏற்க இயலாது என்று நீதிபதிகள் திட்டவட்டமாக தெரிவித்தனர். 

மேலும் அரியர் வைத்துள்ள மாணவர்களுக்கு தேர்வு நடத்த தமிழக அரசு பரிசீலனை செய்ய வேண்டும் என்றும் தேர்வுகளை நடத்துவது குறித்து பல்கலைக்கழக தேர்வாணையம் மற்றும் தமிழக அரசு கலந்து ஆலோசிக்க வேண்டும் என்று கூறிய நீதிபதிகள் கல்வியின் புனிதத்தில் சமரசம் செய்யாமல் எந்த மாதிரி தேர்வு நடைமுறையை மேற்கொள்ளலாம் என கலந்து ஆலோசிக்க அறிவுறுத்தினர். 

அத்துடன் அரியர் தேர்வு எழுத விண்ணப்பித்த மாணவர்கள் எத்தனை பேர்? தேர்ச்சி என அறிவிக்கப்பட்டவர்கள் எத்தனை பேர்? என பல்கலை. வாரியாக முழு விவரங்களை தாக்கல் செய்ய வேண்டும் என்றும் தமிழக அரசுக்கு நீதிமன்றம் உத்தரவிட்டுள்ளது.

Read More

கார் வாங்க அதிரடி ஆஃபரில் லோன் தரும் எஸ்பிஐ வங்கி!

கடன் வழங்குவதில் பல்வேறு சலுகைகளை தரும் எஸ்பிஐ வங்கி தற்போது கார் லோன் தொடர்பான அதிரடி அறிவிப்பை வெளியிட்டுள்ளது.

அதன்படி, ஸ்டேட் பாங்க் ஆப் இந்தியா 7.5 சதவீத வட்டி விகிதத்தில் கார் கடனை வழங்குவதாக தெரிவித்துள்ளது. இந்த கடனுக்காக வாடிக்கையாளர்களிம் இருந்து எந்த ஒரு செயலாக்கக் கட்டணத்தை வங்கி வசூலிப்பதில்லை.

இந்த தகவலை எஸ்பிஐ தனது ட்விட்டர் பக்கத்தில் பதிவிட்டுள்ளது. ஆர்வமுள்ள வாடிக்கையாளர்கள் +91 7208933141 என்ற எண்ணுக்கு மிஸ்டுகால் கொடுக்கலாம் என தெரிவிக்கப்பட்டுள்ளது. அதனைத் தொடர்ந்து எஸ்பிஐ பிரதிநிதி அழைப்பார் என்றும் அவரிடம் விபரங்களை கேட்டு தெரிந்து கொள்ளலாம் என எஸ்பிஐ தெரிவித்துள்ளது.

அதே போல் இந்த கார் லோன் குறித்து தெரிந்து கொள்ள 7208933141 என்ற எண்ணுக்கு 'எஸ்எம்எஸ் கார்' என்று எஸ்எம்எஸூம் அனுப்பலாம். மேலும் எஸ்பிஐ தனிப்பட்ட கடன்கள், தங்கக் கடன்கள் குறித்த அறிவிப்பையும் வெளியிட்டுள்ளது.

சமீபத்தில் வீட்டுக்கடனுக்கு எஸ்பிஐ வங்கி பல்வேறு சலுகைகளை அறிவித்தது. இப்படி கடன் வழங்குவதில் பலவிதமான சலுகைகளை வழங்கி வரும் எஸ்பிஐ வங்கி தற்போது கார் லோனில் கவனம் செலுத்துகிறது.

ஆனால் கடந்த சில மாதங்களில் கார்களின் விலை மிக அதிகமாக உயர்ந்திருப்பது குறிப்பிடத்தக்கது.

Read More

CEO TRANSFER -Go No 25 Date 07.04.2021

  CEO TRANSFER -Go No 25 Date 07.04.2021

கோவை மாவட்ட CEO உஷா, தஞ்சாவூருக்கு மாற்றம்.

தஞ்சாவூர் மாவட்ட CEO ராமகிருஷ்ணன், கோவைக்கு இடமாற்றம்.

அரசு அங்கீகாரம் பெற்ற புலனாய்வு அமைப்பின் பரிந்துரையின் அடிப்படையில் இடமாற்றம்.

பள்ளிக் கல்வித் துறை செயலாளர் தீரஜ் குமார் உத்தரவு.

Read More

கோவிஷீல்ட் தடுப்பூசியின் 2வது டோஸ் -ஐ 75 முதல் 90 நாட்களுக்குள் செலுத்திக் கொண்டால் 90% பலன் தரும்: ஆய்வில் தகவல்!!

 

கோவிஷீல்ட் தடுப்பூசியின் 2வது டோஸ் -ஐ 75 முதல் 90 நாட்களுக்குள் செலுத்திக் கொண்டால் 90% பலன் தரும் என்று ஆய்வில் தெரியவந்துள்ளது. கொரோனா வைரஸுக்கு எதிராக இந்தியாவில் இரு தடுப்பு மருந்துகள் தயாரிக்கப்பட்டு நடைமுறையில் இருக்கின்றன. ஐசிஎம்ஆர், பாரத் பயோடெக் நிறுவனம் சார்பில் கோவாக்ஸின் மருந்தும், அஸ்ட்ராஜென்கா, சீரம் நிறுவனம் சார்பில் கோவிஷீல்ட் மருந்தும் மக்களுக்கு வழங்கப்பட்டு வருகின்றன. கோவிஷீல்ட் தடுப்பூசி முதல் டோஸ் செலுத்தப்பட்டு 28 நாட்களுக்குப் பின் 2-வது டோஸ் மருந்து செலுத்தப்பட வேண்டும் என்று மத்திய அரசு முன்பு அறிவுறுத்தி இருந்தது.

ஆனால் சமீபத்தில் 28 நாட்களுக்குப் பின் என்பதற்குப் பதிலாக 6 வாரங்கள் முதல் 8 வாரங்களுக்கு இடையே 2-வது டோஸ் செலுத்திக் கொள்ளலாம் என்றும் அதற்கு மேல் நீட்டிக்கக் கூடாது என்றும் மத்திய அரசு அறிவுறுத்தி இருந்தது. இதற்கு மத்தியில் கடந்த சில நாட்களாகவே ஐரோப்பாவைச் சேர்ந்த பல்வேறு நாடுகளும் ஆக்ஸ்போர்ட் தடுப்பூசிக்கு தொடர்ந்து தடை விதித்து வருகிறது. தடுப்பூசி எடுத்துக் கொள்பவர்களுக்கு ரத்தம் உரையும் பிரச்னை ஏற்படுவதால் மோசமான பக்க விளைவுகள் ஏற்படுவதாகவும் இதனால் தடுப்பூசிகளுக்குத் தடை விதிக்கப்படுவதாகவும் அந்நாடுகள் அறிவித்திருந்தன.

இந்த நிலையில் கோவிஷீல்ட் தடுப்பூசியின் 2வது டோஸ் -ஐ 75 முதல் 90 நாட்களுக்குள் செலுத்திக் கொண்டால் 90% பலன் தரும் என்று சீரம் இன்ஸ்டிடியூட் ஆப் இந்தியா தலைமை நிர்வாக அதிகாரி ஆதார் பூனவல்லா தெரிவித்துள்ளார். 2வது டோஸ் செலுத்துவதற்கு ஒரு மாதம் இடைவெளி இருந்தால் 70% பலன் கிடைக்கும் என்று கூறப்பட்ட நிலையில், 2.5 முதல் 3 மாத இடைவெளி இருப்பது கூடுதல் பலன் தரும் என்று அவர் குறிப்பிட்டுள்ளார்.

தடுப்பூசி பரிசோதனையின் போது சில நோயாளிகளுக்குஒரு மாத கால இடைவெளியில் 2வது டோஸ் வழங்கப்பட்டுள்ளது. அவர்களுக்கு 60-70 சதவீதம் பலன் கிடைத்தது. சில ஆயிரம் நோயாளிகளுக்கு 2-3 மாத இடைவெளியில் 2ம் டோஸ் வழங்கப்பட்டது. அங்குதான் அவர்கள் செயல்திறன் 90 சதவீதமாக இருப்பதைக் கண்டோம், என்றார்.

Read More

தேர்தலுக்கு அடுத்த நாள் வரும் புதன்கிழமை 7.4.2021 அன்று அனைத்து வகை பள்ளிகளுக்கும் விடுமுறை - CEOs Proceedings!

 மேலும் தஞ்சாவூர், திண்டுக்கல், சிவகங்கை, விழுப்புரம் மாவட்ட CEO களும் பள்ளிகளுக்கு விடுமுறை அறிவிப்பு.

Read More

EVM and VVPAT Errors and their Solutions

 

CLICK HERE TO DOWNLOAD

Read More

12-ஆம்-மெல்ல கற்கும் மாணவர்களுக்கான பயிற்சி கட்டகம்

CLICK HERE

Read More

ஆல் பாஸ் மாணவர்களுக்கு பிளஸ் 1 அட்மிஷன் துவக்கம்

பத்தாம் வகுப்புக்கு, 'ஆல் பாஸ்' வழங்கப்பட்ட நிலையில், மதிப்பெண்ணே தெரியாமல், பிளஸ் 1 மாணவர் சேர்க்கை துவங்கி உள்ளது.

தேர்தல் கமிஷன் காதுகளுக்கு எட்டுமா? தேர்தல் பணி ஆசிரியர்கள் குமுறல்! தமிழகத்தில், கொரோனா பரவல் காரணமாக, பிளஸ் 1 வரை அனைத்து மாணவர்களுக்கும் பொது தேர்வோ, ஆண்டு தேர்வோ நடத்தப்படவில்லை; அனைவருக்கும், ஆல் பாஸ் அறிவிக்கப் பட்டது.இந்நிலையில், 10ம் வகுப்பு முடிக்கும் மாணவர்களுக்கு, பிளஸ் 1 மாணவர் சேர்க்கையை, தனியார் பள்ளிகள் துவங்கி உள்ளன. பொது தேர்வு நடத்தாவிட்டாலும், பள்ளிகள் தனியாக சிறிய தேர்வு நடத்தி, மாணவர்களின் விருப்பங்களையும், கற்றல் திறன்களையும் அறிந்து வருகின்றனர்.எந்த பாடத்தில் மாணவர்கள் அதிக மதிப்பெண் எடுக்க முடியும் என்ற விபரம் கேட்கப்பட்டு, அதற்கேற்ற பாட பிரிவுகள் ஒதுக்கப்படுகின்றன. மதிப்பெண் ஆய்வுகடந்த கல்வி ஆண்டில், 10ம் வகுப்பு பொதுத் தேர்வு ரத்து செய்யப்பட்டு, மாணவர்களுக்கு, 'ஆல் பாஸ்' வழங்கப்பட்டது. அப்போது, அவர்களின் காலாண்டு, அரையாண்டு தேர்வின் மதிப்பெண்கள் கணக்கிடப்பட்டு, சான்றிதழ் வழங்கப்பட்டது.நடப்புக் கல்வி ஆண்டில், ஒரு தேர்வு கூட நடத்தவில்லை.

அரசு பள்ளியை சேதப்படுத்திய காட்டு யானைகள்

எனவே, கடந்த கல்வி ஆண்டில் மாணவர்கள் படித்த, 9ம் வகுப்பு பருவத் தேர்வுகளின் சராசரி மதிப்பெண்ணைக் கணக்கிட்டு, சான்றிதழ் வழங்கலாம் என, பள்ளி நிர்வாகிகளும், ஆசிரியர்களும் யோசனை தெரிவித்து உள்ளனர்.

Read More

தமிழகத்தில் இன்று ஒரே நாளில் 3,290 பேருக்கு கொரோனா தொற்று

Read More

Training Class Question & Answers - 2021

CLICK HERE TO DOWNLOAD - Training Class Question & Answers 

Read More

தேர்தல் பணியாளர்களுக்கு ஊதியம் தர நிதி ஒதுக்கீடு

ஓட்டுச்சாவடிகளில், தேர்தலன்று பணியாற்றும் ஊழியர்களுக்கு ஊதியம் வழங்க, 71.21 கோடி ரூபாய் ஒதுக்கப்பட்டுள்ளது.

தஞ்சை மாணவர்களிடையே தீவிரமடையும் கொரோனா பரவல்! - புதிதாக 8 மாணவர்கள், 2 ஆசிரியர்களுக்கு தொற்று உறுதி..!!

தமிழக சட்டசபை தேர்தல் மற்றும் கன்னியாகுமரி லோக்சபா தொகுதி இடைத்தேர்தல், வரும், 6ம் தேதி நடக்க உள்ளது. அன்று வாக்காளர்கள் ஓட்டளிப்பதற்காக, 88 ஆயிரத்து, 937 ஓட்டுச்சாவடிகள் அமைக்கப்பட்டு உள்ளன.ஒவ்வொரு ஓட்டுச்சாவடியிலும், ஆறு ஊழியர்கள் பணியில் இருப்பர். அவர்களுக்கும், இதர தேர்தல் பணியில் ஈடுபடும் ஊழியர்களுக்கும் ஊதியம் வழங்க, முதல் கட்டமாக, 71.21 கோடி ரூபாயை, அரசு ஒதுக்கி உள்ளது.மாணவர்கள் கூடுதல் திறமைகளை வளர்த்து கொள்ள வேண்டும்: பேராசிரியர் குணசேகரன் அறிவுறுத்தல்

ஓட்டுச்சாவடி தலைமை அலுவலருக்கு, 1,700 ரூபாய் முதல், கடை நிலை ஊழியர்களுக்கு, 600 ரூபாய் வரை, அவர்களின் நிலைக்கேற்ப ஊதியம் வழங்க அனுமதிக்கப்பட்டுள்ளது. பாதுகாப்பு பணிதேர்தல் பாதுகாப்பு பணியில் ஈடுபடும் காவல் துறை, வனத்துறை, தீயணைப்பு துறை, ஊர்க்காவல் படை, சிறைத்துறை, மத்திய ஆயுதப்படை போலீசார், மாநில ஆயுதப்படை போலீசார் ஆகியோருக்கும் ஊதியம் வழங்க, 21.53 கோடி ரூபாய் ஒதுக்கப்பட்டு உள்ளது.இதில், இன்ஸ்பெக்டர்கள் நிலையில், 400 ரூபாய்; ரிசர்வ் போலீசாருக்கு, 150 ரூபாய் வீதம், அவர்களின் நிலைக்கேற்ப, நான்கு நாட்களுக்கு வழங்க உத்தரவிடப்பட்டு உள்ளது.

Read More

குரூப் 1 - தேர்வில் மெகா ஊழல்! தேர்வர்களை வஞ்சிக்கும் டிஎன்பிஎஸ்சி!

என்னையா பஞ்சாயத்து இவங்களுக்கு? குரூப்-1 தேர்வு முடிஞ்சி ரிசல்ட் விட்டாச்சு எல்லாம் வெறித்தனமா படிச்சிட்டு இருக்கானுங்க இவனுங்க என்னடாணா தேவையில்லாத வேலைய பாத்துக்கிட்டு இருக்காங்க.. சரி கதைக்கு வருவோம் அதாவது 3.01.2021 அன்று மாவட்ட ஆட்சியர் (deputy collector) உட்பட உயரிய பதவிக்கான TNPSC குரூப்-1 தேர்வு நடந்தது.இதில் மொத்தம் 200 கேள்விகள் கேட்கப்பட்டது..அதில் 45 கேள்விகளுக்கு மேல் இதுவரை தவறு என ஆதாரத்துடன் உறுதிபட கண்டறியப்பட்டுள்ளது.. TNPSC தேர்வாணையம் 3/1/2021 யிக் நடந்து முடிந்த தேர்வுக்கு Tentative answers key வெளியிட்டது..இந்த விடைகளுக்கு எதிராக தவறு இருப்பின் மாணவர்கள் 7-1-2021 முதல் 14-1-2021 வரை டிஎன்பிஎஸ்சி இணையதளத்தில் மாணவர்கள் கீ சேலஞ்ச் செய்ய அறிவுறுத்தப்பட்டது.. பாதிக்கப்பட்ட பல மாணவர்கள் தேர்வாணையத்தின் கேள்வித்தாளில் தவறுகளை சுட்டிக் காட்டினார்கள்..கீ சேலஞ்ச் செய்வதற்கு மிக அதிவேக இணைய தளம் தேவை ,கணினி போன்றவை இருந்தால் மட்டுமே நாம் சரியாக செய்ய முடியும்.ஏனென்றால் கீ சேலஞ்ச் செய்யும்பொழுது ஆதாரமாக புத்தகத்தின் பக்கங்களையும் அந்த புத்தகத்தை பற்றிய தகவலையும் இணைக்க வேண்டும் அதை பிடிஎஃப் வடிவில் மாற்றி அப்லோட் செய்ய வேண்டும்.கணினி அறிவும் சிறந்த இணையதளத்தில் தேடும் திறன் படைத்தவர்கள் மட்டுமே சரியான விடையை கண்டறிந்து தவறுகளை சுட்டிக் காட்ட முடியும் என்பது குறிப்பிடத்தக்கது.. தமிழ்நாட்டில் பல கிராமத்தில் இணையதள வசதி இல்லை என்பதும் தங்களுக்கு தெரியும் மேலும் பலர் சரியான கைப்பேசியும் வைத்திருப்பதில்லை என்பதை நினைவு கொள்ள விரும்புகிறேன்.. இணையதளத்தில் கீ சேலஞ்ச் செய்யும் போது கடைசி இரண்டு நாளில் சர்வர் குறைபாடு காரணமாக key challenge செய்யும் தகவல்கள் அப்லோடு ஆக மிகவும் காலதாமதம் ஆனது, சில தகவல்கள் பதிவேற்றவும் செய்ய முடியவில்லை, பல கேள்விகள் upload செய்ததற்கு TNPSC தரப்பில் acknowledgement சரியாக வரவில்லை.. இங்கே நீங்கள் கவனிக்க வேண்டியது என்னவென்றால் நாம் கேள்வித்தாள் தவறு என key challenge யில் சுட்டிக் காட்டுவதற்கு ஆதாரம் (acknowledgment) கொடுக்காமல் மறைப்பதும் ஒரு வித ஊழலின் ஆரம்பம் .. மேலும் தொடர்ந்து வாசிக்க 7 நாள் மட்டுமே key challenge செய்ய வாய்ப்பு கொடுப்பதும் அதுவும் TNPSC server இணையதளத்தின் வேகத்தை முடக்கி வைத்ததும் மறைமுக ஊழல் வேலையை செய்து வருகிறது தெளிவாகிறது.. ஏன்டா டேய் படிச்சு பாஸ் பண்ண வக்கில்லை சரியான நேரத்தில பரிச்சஅ வச்சிருக்காங்க ரிசல்ட்டும் சீக்கிரமா வெளியிட்டு இருக்காங்க அப்புறம் கேள்வி தப்பு இருந்தா அதையும் கேள்வி கேட்க வாய்ப்பு கொடுத்திருக்காங்க இதைவிட ஒரு தேர்வாணையம் என்ன பண்ண முடியும்? இதுவெல்லாம் ஒரு கண்துடைப்பு நாடகம் என்பதை தெளிவாக இன்னும் விளக்குகிறேன்... 1.5 லட்சம் மேல் எழுதும் தேர்வில் Answer key challenge செய்தது 3716 பேர் மட்டுமே..அதனை வைத்து மட்டுமே TNPSC தேர்வு ஆணையம் தேர்வு முடிவை வெளியீட்டது.. மேலும் கவனிக்க தேர்வர்கள் அப்லோட் செய்த ஆதாரங்களை வைத்து 11 பாடங்களில் மிக அறிவு பெற்ற 3 நபர் கமிட்டி ஆய்வு செய்தது.இவர்களுக்கு TNPSC EXPERT COMMITTEE என்று பெயர்.. TNPSC தேர்வுக்கு 8 அடிப்படைப் பாடங்கள் மட்டுமே உள்ளது என்பதை நினைவில் கொள்ள விரும்புகிறேன்..யார் அந்த 3 பேர் ,அவர்கள் சிறந்த ஞான ஒளி பெற்ற அந்த பதினோரு பாடம் எதுவென்று யாருக்கும் தெரியாது.. மேலும் தேர்வாணையம் சார்பில் 20-1-2021 முதல் 27-1 2021 வரை அந்த சிறப்பு எக்ஸ்பர்ட் கமிட்டி இறுதி விடைகள் உருவாக்கியது.அந்த இறுதி விடையின் படியே 9. 2.2020 அன்று தேர்வு முடிவுகள் வெளியிடப்பட்டது. இங்கே நீங்கள் கவனிக்க வேண்டியது டிஎன்பிஎஸ்சி தேர்வாணையம் preliminary தேர்வில் 45/200 தவறான கேள்வி கேட்டு இருந்தது..அதனை மறைக்க 4 கேள்விதான் தப்பு என கூறி tentative answer key வெளியிடப்பட்டது ..தேர்வு எழுதியவர்கள் tentative answer key யை அடிப்படையாக வைத்து டிஎன்பிஎஸ்சி கேள்வித்தாள் விடை தவறு என நிரூபித்து ஆதாரங்களை அனுப்பினார்கள்..ஆனால் தேர்வின் முடிவு என்பது tnpsc expert committee உருவாக்கிய FINAL answer key படியே தேர்வு முடிவுகள் வெளியிடப்பட்டது. அதாவது 07/01/2021 அன்று வெளியிட்ட Tentative Keys படி இறுதி தேர்வு முடிவுகள் வெளியிடவில்லை tnpsc expert committee உருவாக்கிய FINAL answer key படியே 9. 2.2020 அன்று தேர்வு முடிவுகள் வெளியிட்டது என தேர்வாணையம் தரப்பில் தெரிவிக்கப்படுகிறது..இத்தகைய இறுதி final answer key ஆனது தேர்வுகள் முழுவதும் 3 கட்டம் முடிந்த பிறகு வெளியிடுவோம் என்று கூறப்படுகிறது... கேள்வித்தாளில் ஏராளமான பிழைகள் இருப்பதை மறைக்க tentative answer key வெளியிடுகிறது.. அதனை எதிர்த்து கேள்விக் கேட்டால் இந்த final answers key மற்றும் TNPSC EXPERT COMMITTEE என்ற பெரிய கண்துடைப்பு வேலையை சொல்லி தப்பித்து விடுகிறார்கள்.. EXPERT COMMITTEE முடிவே இறுதி என தெரிவிக்கும் தேர்வாணையம் FINAL answer key எப்பொழுது வெளியிட்டார்கள் என்ற தகவலை உங்களுக்கு தெரிவிக்க முயற்சிக்கிறேன்.. 10/07/2015 நடந்த குரூப் 1 PRELIMS தேர்வுக்கு 11/11/2015 அன்று tentative answer key வெளியிட்டார்கள்..இன்னும் FINAL answer key இதுவரை வெளியிடவில்லை என்பதை கவனத்தில் கொள்க.. 29/12/2013 நடந்த குரூப் 1 தேர்வுக்கு நான்கு ஆண்டுகள் கழித்து 09/01/2017 அன்று வெளியிடப்பட்டது . இதுபோலவே குரூப் 2 மற்றும் குரூப் 4 பல தேர்வுகளுக்கு FINAL answer key இறுதி முடிவுகள் இதுவரை வெளியிடவில்லை இதுவே தொடர்கிறது .. கீழ்கண்ட இணையதளத்தில் நீங்களே தேடி பார்க்கலாம் https://www.tnpsc.gov.in/English/answerkeys.aspx தேர்வு முடிவுகள் tentative answer key வெளியிடுவதும் , சரியான விடைகளை அதாவது FINAL answer key 2 ஆண்டுகள் முதல் 10 ஆண்டுகள் கழித்து வெளியிடுவதும் எந்த விதத்தில் நியாயம்? எப்படி தில்லுமுல்லு நடக்கிறது என்பதை இப்பொழுது உங்களுக்கு தெளிவாக புரிந்திருக்கும்.. TNPSC யின் இத்தகை அறமற்ற செயலால் தேர்வை சிறப்பாக எழுதியவர்கள், உண்மையாக படித்தவர்கள், பாதிக்கப்படுகிறார்கள்.. மேலும்அடுத்த தேர்வு எழுத குறைந்தபட்சம் இரண்டு ஆண்டுகளுக்கு மேல் காத்திருக்க வேண்டும்.. கேள்வித்தாளில் சரியான முறையில் எடுப்பது கிடையாது அதற்கான விடைகளும் சரியாக வெளியிடுவது கிடையாது ஆனால் யுபிஎஸ்சி தேர்வாணையத்தை விட நாங்கள் சிறப்பாக செயல்படுகிறோம் என்று பெருமை பேசிக் கொண்டிருக்கிறார்கள்.. Tentative answers key,TNPSC EXPERT team, final answers key என்ற மூன்று கட்டுக்கதைகளை உருவாக்கி ஒட்டு மொத்த மாணவர்களில் உழைப்பையும் சிதைத்துக் கொண்டிருக்கிறார்கள்.. சரி இதற்கெல்லாம் தீர்வு என்ன என்று பார்த்தால் நீதிமன்றத்தை அணுகுவது மட்டுமே டிஎன்பிஎஸ்சி தேர்வு எழுதும் பல மாணவர்கள் தனக்கு நீதி கிடைக்க வேண்டுமென்றால் பொதுவாக நீதிமன்றத்தை நாட பயப்படுவார்கள் தன்னுடைய வருங்காலம் பாதிக்கப்பட்டு விடுமோ அல்லது தேர்வு எழுதாமல் ஆக்கி விடுவார்களோ என்று பல குழப்பங்கள் அடைவார்கள்.. வழக்குப் போட்டு நாம் வெற்றி பெற முடியுமா? அதற்கு பணம் என்னிடம் இல்லையே என்று ஏராளமான கவலைகள் உண்டு.. மாணவர்களின் இயலாமையும் பணம் படைத்தவர்களின் அறம் தவறிய செயல்களும் , தேர்வாணையத்தின் மெத்தன போக்கும் மாணவர்களின் கனவை தொடர்ந்து சிதைத்து கொண்டே இருக்கிறது . அவசர அவசரமாக தவறான கேள்விகளுக்கு சரியான விடையும் தெரிவிக்காமல் இறுதி முடிவையும் அறிவித்துவிட்டு வழக்கு தொடர்ந்தால் இவர்கள் வெற்றி பெற தகுதியற்றவர்கள் என்று மாணவர்களை மனதளவில் பாதிப்படைய செய்து வெளிப்படை அற்ற இவர்களது நிர்வாகம் தொடர்கிறது.. பல வருடமாக இவர்கள் செய்வது , நடத்தும் தேர்வில் ஏதும் தவறுகள் இருந்தால் அதன்பின்பு tnpsc expert committee உருவாக்கப்பட்டு அதன் படி இறுதி முடிவை வெளியிட்டு விட்டோம் என்று தப்பித்துக் கொள்கிறார்கள்.. தொடர்ந்து கேள்வித்தாளில் எழுத்துப் பிழைகளும் ,தமிழில் ஒரு விதமாகவும் ஆங்கிலத்தில் ஒரு விதமாகவும் கேள்விகள் அமைகிறது ..நீதிமன்றம் எச்சரித்தும் இவர்கள் அதனை முழுமூச்சுடன் செயல்படுத்துவது கிடையாது.. 2019 நடந்து முடிந்த குரூப்-1 தேர்வில் கிட்டத்தட்ட 26 கேள்விகள் தவறாக இருந்தது அதனை TNPSC தேர்வாணையம் நீதிமன்றத்தில் ஒத்துக் கொண்டுள்ளது..வழக்கு தொடர்ந்த நபரைதேர்வு எழுதி தேர்ச்சி பெற தகுதியற்றவர் என்று மனதை நோகடிக்க செய்தது அல்லாமல் வழக்கையும் நிராகரித்தது.. . நிற்க ... இக்கட்டுரை தேர்வுக்கு சம்பந்தம் இல்லாதவர்கள் வாசிக்கலாம் அவர்களுக்கான வரிகள் இதோ ஒழுங்கா படிச்சு பாஸ் பண்ண போறீங்க சும்மா குறை சொல்லிகிட்டே இருந்தா கடைசி வரைக்கும் இப்படித்தான் இருப்பீங்க என்று நீங்கள் குறை கூறலாம்... அன்பானவர்களே எங்களுடைய வலி என்பது மிகக் கொடுமையானது . ஒரு நேர்மையான அரசு அதிகாரியாக வேண்டும் என்றுபல நாள் இரவு பகல் பாராமல் உழைத்துக் கொண்டிருக்கிறோம்.. ஒன்னும் செய்ய வேண்டாம் நேரம் இருந்தால் கூகுளில் TNPSC ஊழல் என்று தட்டுங்கள் அதில் வரும் செய்திகளை ஒரு ஐந்து நிமிடம் வாசியுங்கள் இதில் நடக்கும் தில்லுமுல்லுகள் உங்களுக்கு புரிய வரும்..தயவுசெய்து நேர்மையான முறையில் தேர்வு நடத்த உங்கள் தரப்பில் குரல் கொடுங்கள்.. கையில் ஒரு பத்து ரூபாய் இருந்தால் இதுவரை தமிழக அரசின் குரூப் 1 போன்ற உயர் பதவியில் எத்தனை வடமாநிலத்தவர்கள் பணியாற்றுகிறார்கள் என்று RTI யில் கேள்வி எழுப்புங்கள்.. மேலும் தேர்வுக்கு படித்துக் கொண்டிருப்பவர்கள் கவனத்திற்கு.. அப்புறம் தேர்வுக்கு கடுமையாக படித்து வருபவர்கள் இக்கட்டுரையை வாசிக்கலாம் கண்டிப்பாக சோர்வு அடைந்து விட்டுவிடாதீர்கள்..உங்கள் உழைப்பு என்றும் வீண் போகாது உங்களுக்கான வெற்றி கண்டிப்பாக கிடைக்கும் நேர்மையான முறையில் தேர்வு நடக்கும் என்பதை மனதில் கொண்டு படித்துக் கொண்டே இருங்கள்... மேலும் என்ன செய்யலாம் என்று நினைப்பவர்களுக்கு இந்த நிர்வாக சீர்கேடுகளை நாம் பேசாத வரை தொடர்ந்து தவறுகள் நடந்து கொண்டேதான் இருக்கும் அதற்கு நாம் குரல் கொடுக்க வேண்டும்.. அதற்க்கு உங்களுடைய முகநூல் ,வாட்ஸ்அப் போன்ற பக்கங்களை பயன்படுத்துங்கள் இதுபோன்ற ஊழல் செய்திகள்,தவறான கேள்வித்தாள் உருவாக்குவது தலைப்புச் செய்தியாக இடம் பெறவேண்டும்..மீடியாக்கள் இதை கையில் எடுக்க வேண்டும்..பெரிய வாதமாக மாறவேண்டும் தேர்வாணையம் நேர்மையாக தேர்வு நடத்த எவ்வளவு அழுத்தம் கொடுக்க முடியுமோ அவ்வளவு அழுத்தம் கொடுக்க வேண்டும்.. கண்டிப்பாக நாம் நினைத்த மாற்றம் உருவாகும் என்று நம்புகிறேன்.. உங்களில் ஒருவனாக செல்வ ராம ரத்னம்.கு Mail I'd :iasrathnam1@gmail.com

Read More

TNPSC - தமிழக அரசு துறைகளில் காலியாக உள்ள ஒருங்கிணைந்த பொறியியல் பணிகள் தேர்விற்கான அறிவிப்பு.

தமிழக அரசு துறைகளில் காலியாக உள்ள ஒருங்கிணைந்த பொறியியல் பணிகள் தேர்விற்கான அறிவிப்பை தமிழ்நாடு அரசு பணியாளர் தேர்வாணையம் (டிஎன்பிஎஸ்சி) வெளியிடப்பட்டுள்ளது. இதற்கு தகுதியும் விருப்பமும் உள்ளவர்களிடமிருந்து ஆன்லைன் மூலம் விண்ணப்பங்கள் வரவேற்கப்படுகின்றன.

பணி: Junior Draughting Officer (Highways Department)

காலியிடங்கள்: 177 + 6

பணி: Junior Draughting Officer (Public Works Department)

காலியிடங்கள்: 348 பணி: Junior Technical Assistant (Handlooms and Textiles Department)

காலியிடங்கள்: 01

சம்பளம்: மாதம் ரூ. 35,400-1,12,400

பணி: Junior Engineer (Fisheries Department)

காலியிடங்கள்: 05

சம்பளம்: மாதம் ரூ. 35,900-1,13,500

தகுதி: பொறியியல் துறையில் Civil, Architectural Assistantship,Textile Manufacture, Handloom Technology போன்ற பிரிவுகளில் டிப்ளமோ முடித்தவர்கள் சம்மந்தப்பட்ட பணியிடங்களுக்கு விண்ணப்பிக்க தகுதியானவர்கள்.

வயது வரம்பு: 01.07.2021 தேதியின் படி குறைந்தபட்சம் 30 முதல் அதிகபட்சம் 35 வயதிற்குள் இருக்க வேண்டும்.

தேர்வு செய்யப்படும் முறை : எழுத்துத் தேர்வு மற்றும் நேர்முகத் தேர்வின் மூலம் தகுதியானவர்கள் தேர்வு செய்யப்படுவர். விண்ணப்பக் கட்டணம்: ஒரு முறை பதிவுக் கட்டணம் ரூ.150 மற்றும் தேர்வுக் கட்டணம் ரூ.100 செலுத்த வேண்டும். ஏற்கனவே ஒரு முறை பதிவுக் கட்டணம் செலுத்தியவர்கள் தேர்வுக் கட்டணம் மட்டும் செலுத்தினால் போதும்.

விண்ணப்பிக்கும் முறை: www.tnpsc.gov.in / www.tnpscexams.in எனும் அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும்.

ஆன்லைனில் விண்ணப்பிப்பதற்கான கடைசி தேதி: 04.04.2021 மேலும் விவரங்கள் அறிய https://www.tnpsc.gov.in/Document/english/2021_06_CESSE_ENG.pdf என்ற லிங்கில் சென்று தெரிந்துகொள்ளவும்.

Read More

தட்டச்சு, சுருக்கெழுத்து தேர்வு தள்ளிவைப்பு

இம்மாதம் நடைபெறுவதாக இருந்த தட்டச்சு, சுருக்கெழுத்து தொழில்நுட்பத்தேர்வுகள் கரோனா பரவல் அதிகரிப்பு காரணமாக தள்ளிவைக்கப்படுவதாக மாநில தொழில்நுட்பக் கல்வி இயக்ககம் அறிவித்துள்ளது.

தேர்தல் 2021 - பணிக்கான மதிப்பூதியம் அனுமதித்து அரசாணை வெளியீடு. ( மதிப்பூதிய விவரம் )

தட்டச்சு, சுருக்கெழுத்து, கணக்கியல் தொழில்நுட்பத் தேர்வுகள் பிப்ரவரி, ஆகஸ்ட் மாதங்களில் நடைபெறுவது வழக்கம். கரோனா தொற்று காரணமாக கடந்த 2020-ம் ஆண்டு தொழில்நுட்பத் தேர்வுகள் நடத்தப்படவில்லை. இந் நிலையில், 2021-ம் ஆண்டுக்கான தொழில் நுட்பத் தேர்வுகள் ஏப்.10-ம் தேதி தொடங்கி 25-ம் தேதி வரை நடைபெறுவதாக தொழில்நுட்பக்கல்வித் துறை அண்மையில் அறிவித்தது.

சட்டமன்றத் தேர்தல் பணியில் ஈடுபடும் அதிகாரிகள் முதல் கடைநிலை ஊழியர்கள் வரை ஊதியம் நிர்ணயம் - தேர்தல் பிரிவு அதிகாரிகள் தகவல்

இந்நிலையில், இத் தேர்வுகள், கரோனா தொற்று அதிகரிப்புகாரணமாக தள்ளிவைக்கப்படுவதாகவும், தேர்வு தேதி பின்னர் தெரிவிக்கப்படும் எனவும் தொழில்நுட்பக் கல்வி இயக்ககம் அறிவித்துள்ளது.

Read More

பிளஸ் 2 செய்முறை தேர்வுக்கு பின் தொடர்விடுமுறை அளிக்க ஆலோசனை

PO, P 1 - களுக்கு மட்டுமே 3- ம் கட்ட தேர்தல் பயிற்சி - Proceedings

இரண்டாம் கட்ட பயிற்சியில் கலந்து கொள்ளாதவர்களுக்கு மட்டுமே 03.04.2021 தேர்தல் பயிற்சி - CEO PROCEEDING

Read More

ஜாக்டோ - ஜியோ போராட்ட பேராசிரியர்கள் மீதான ஒழுங்கு நடவடிக்கை திடீர் ரத்து!

ஜாக்டோ - ஜியோ போராட்டத்தில் பங்கேற்ற பேராசிரியர்கள் மீதான, 'சஸ்பெண்ட்' மற்றும் ஒழுங்கு நடவடிக்கைகள் ரத்து செய்யப்படுவதாக, தமிழக உயர்கல்வித் துறை அறிவித்து உள்ளது. வாபஸ் இது குறித்து, கல்லுாரி கல்வி இயக்குனர் பூர்ணசந்திரன் அனுப்பியுள்ள சுற்றறிக்கை:ஜாக்டோ - ஜியோ கூட்டமைப்பு சார்பில், பல்வேறு கோரிக்கைகளை வலியுறுத்தி, உதவி, இணை பேராசிரியர்கள், 2019 ஜன., 22ல் தொடர் வேலைநிறுத்த போராட்டம் நடத்தினர். இதில் கைது செய்யப்பட்டவர்கள், சஸ்பெண்ட் செய்யப்பட்டனர்; பின், அந்த உத்தரவு, 'வாபஸ்' பெறப்பட்டது.

அரசு கணினி சான்றிதழ் தேர்வுக்கு ஏப்.12 முதல் விண்ணப்பிக்கலாம் : தொழில்நுட்பக் கல்வி இயக்ககம் அறிவிப்பு

அவர்கள் மீது, நிலுவையில் உள்ள குற்றவியல் வழக்குகள் மீதான நடவடிக்கைகள் மற்றும் ஒழுங்கு நடவடிக்கைகள் கைவிடப்படுகின்றன.ஒழுங்கு நடவடிக்கை எடுக்கப்பட்டு, அதன் மீது தண்டனை வழங்கப்பட்டிருந்தால், அவை அனைத்தும் ரத்து செய்யப்படுகின்றன. அந்த பேராசிரியர்களின் தற்காலிக பணி நீக்க காலங்கள் முறைப்படுத்தப்படுகின்றன. ஆதரவு இது குறித்த விபரங்களை, சம்பந்தப்பட்டோரின் பணி பதிவேட்டில் மேற்கொள்ள வேண்டும். இந்த உத்தரவு, அரசு மற்றும் அரசு உதவி பெறும் கல்லுாரிகளின் ஆசிரியர்கள் மற்றும் ஆசிரியரல்லாத பணியாளர்கள் அனைவருக்கும் பொருந்தும்.

குறிப்பிட்ட காலத்திற்குள் உபரி ஆசிரியர்களுக்கு பணி: ஐகோர்ட் கிளை உத்தரவு.

இவ்வாறு அதில் கூறப்பட்டு உள்ளது.சட்டசபை தேர்தலுக்கு இன்னும் இரண்டு நாட்களே உள்ள நிலையில், உயர்கல்வித் துறை பிறப்பித்துள்ள இந்த உத்தரவு, ஆளுங்கட்சிக்கு ஆதரவானதாக கருதப்படுகிறது.

Read More