பிளஸ் 1 வகுப்பில் பழைய பாடத் தொகுப்புத் திட்டமே தொடரும்: தமிழக அரசு அறிவிப்பு
சென்னை: பிளஸ் 1 வகுப்பில் பழைய பாடத் தொகுப்புத் திட்டமே தொடரும் என்று தமிழக அரசு அறிவித்தது. இதற்கான அறிவிப்பை பள்ளிக் கல்வித் துறை முதன்மைச் செயலாளர் தீரஜ் குமார் திங்கள்கிழமை வெளியிட்டார்.
அந்த உத்தரவு விவரம்: பிளஸ் 1, பிளஸ் 2 வகுப்புகளில் பயிலும் மாணவர்களின் மன அழுத்தம், உயர் கல்வி குறித்த அச்சத்தைப் போக்கும் வகையில் மாநில பொதுப் பள்ளிக் கல்வி வாரிய நிர்வாகக் குழு சில பரிந்துரைகளை வழங்கியது. அதன்படி, இப்போது நடைமுறையில் உள்ள நான்கு முதன்மைப் பாடத் தொகுப்புகளுடன் சேர்த்து புதிய வழிமுறைகளுடன் கூடிய மூன்று முதன்மை பாடத் தொகுப்புகள் அறிமுகப்படுத்தப்பட்டன.
மாணவர்கள் மூன்று முதன்மைப் பாடத் தொகுப்பினையோ அல்லது நான்கு பாடத் தொகுப்பினையோ தேர்வு செய்து கொள்ளும் வகையில் வழி செய்யப்பட்டிருந்தது. இது நிகழ் கல்வியாண்டில் இருந்து நடைமுறைப்படுத்த உத்தரவு வெளியிடப்பட்டது.
அரசுக்குக் கோரிக்கைகள்: மேல்நிலைக் கல்விப் பாடத்திட்டத்தில் மாணவர்கள் மூன்று முதன்மைப் பாடங்களை மட்டும் தேர்ந்தெடுக்கும்போது அவர்கள் உயர் கல்விக்கான வாய்ப்புகள், வேலைவாய்ப்புகள் சுருங்க நேரிடும் என அரசுக்குக் காரணங்கள் தெரிவிக்கப்பட்டன. இந்தக் கோரிக்கைகள் தொடர்பாக பள்ளிக் கல்வித் துறை இயக்குநர் தமிழக அரசுக்கு கடிதம் அனுப்பியிருந்தார். அந்தக் கடிதத்தில், ஏற்கெனவே நடைமுறையில் உள்ள நான்கு முதன்மைப் பாடத் தொகுப்புகளைக் கொண்ட பாடத்திட்டத்தை மட்டும் அனைத்துப் பள்ளிகளிலும் தொடர்ந்து நடைமுறைப்படுத்தவும், புதிய பாடத் திட்ட முறை அறிமுகப்படுத்தப்பட்ட அரசாணையை ரத்து செய்து உத்தரவு பிறப்பிக்குமாறும் கேட்டுக் கொண்டிருந்தார்.
கருத்துகள் ஏற்பு: பள்ளிக் கல்வித் துறை இயக்குநரின் கோரிக்கையை ஏற்று, மேல்நிலைக் கல்விப் பாடத் திட்டத்தில் மாணவர்கள் மூன்று முதன்மைப் பாடங்களை மட்டும் தேர்ந்தெடுக்கும்போது அவர்களின் உயர்கல்விக்கான வாய்ப்புகள், வேலைவாய்ப்புகள் சுருங்க நேரிடும் என்பதால், மாணவர்களின் நலன் கருதி ஏற்கெனவே நடைமுறையில் உள்ள நான்கு முதன்மைப் பாடத் தொகுப்புகளைக் கொண்ட பாடத் திட்டமே அனைத்துப் பள்ளிகளிலும் தொடர்ந்து நடைமுறைப்படுத்தப்படும் என்று தனது உத்தரவில் தீரஜ் குமார் தெரிவித்துள்ளார்.
கோவை; பள்ளி, கல்லுாரி மாணவர்கள் பயன்பெறும் வகையில், அரசு கல்லுாரி பேராசிரியை, 'யு டியூப்' சேனலில் பாடங்களை பதிவேற்றம் செய்து உள்ளார்.ஓசூர் அரசு கலை மற்றும் அறிவியல் கல்லுாரி, தாவரவியல் துறை பேராசிரியை தீபா. இவர், அனைத்து மாணவர்களும் பயன் பெறும் வகையில், பல தலைப்புகளில் பாடங்களை வீடியோ பதிவு செய்து, யு டியூப் சேனலில் பதிவேற்றம் செய்து வருகிறார். பேராசிரியை தீபா கூறியதாவது:ஊரடங்கு துவங்கிய நேரத்தில், என் கல்லுாரி மாணவர்களுக்கு தினமும் ஒரு பாடத்தை, 'வீடியோ' பதிவு செய்து, 'வாட்ஸ் ஆப்' குழுவில் அனுப்பி வந்தேன்.பதிவேற்றம்மாணவர்கள் இந்த வீடியோவை, பிற மாணவர்களுக்கும் அனுப்பினர். பலரும், வீடியோ பாடங்கள் உபயோகமாக இருப்பதாக கூறினர்.இதையடுத்து, தனியாக யு டியூப் சேனல் துவங்கி, உயிரியல், தாவரவியல் மட்டுமின்றி அனைத்து அறிவி யல் பாடங்கள் குறித்தும், வீடியோ பதிவேற்றம் செய்கிறேன்.கல்லுாரி மாணவர்கள் மட்டுமின்றி, நீட், சி.எஸ்.ஐ.ஆர்., தேர்வுகளுக்கு தயாராகும் மாணவர்கள் பயன்பெறும் வகையிலும், இலவசமாக வீடியோ பாடங்கள் பதிவேற்றம் செய்யப்படுகின்றன. கட்டணம் இல்லைகட்டணம் செலுத்தி, பயிற்சிக்கு செல்ல முடியாத மாணவர்களுக்கு, இலவசமாக பாடம் சொல்லி கொடுக்கும் நோக்கில் செய்து வருகிறேன்.இவ்வாறு, அவர் கூறினார்.இவரது வீடியோ பாடங்களை பார்க்க, http://m.youtube.com/ channel/UCXqGIEjNmKrTm WVqMIngbDA அல்லது டாக்டர் தீபா பார்த்தசாரதி என்ற யு டியூப்பில் பார்க்கலாம்.
தமிழகத்தில் முழுவதும் காலாண்டு, அரையாண்டு தேர்வு எழுதாத மாணவர்களின் விவரங்களை பதிவு செய்யவேண்டும் என்று தேர்வுத்துறை இயக்குநர் பழனிசாமி வெளியிட்டுள்ள அறிவிப்பு குழப்பத்தை ஏற்படுத்தியுள்ளது. தமிழகத்தில் கொரோனா பாதிப்பு தொடர்ந்து அதிகரித்துவரும் நிலையில், 10-ம் வகுப்புத் தேர்வு ரத்து செய்யப்படுவதாக தமிழக அரசு அறிவித்தது. அனைத்து மாணவர்களும் தேர்ச்சி செய்யப்படுவார்கள் என்றும் அறிவிக்கப்பட்டது. 10ம் வகுப்பு பொதுத்தேர்வு ரத்து செய்யப்பட்டதுடன் எத்தனை மதிப்பெண் எடுத்திருந்தாலும் அனைத்து மாணவர்களும் தேர்ச்சி அடையச் செய்யப்படுவார்கள் என ஏற்கனவே அரசு அறிவித்தது.இந்த நிலையில் அரசு தேர்வுத்துறை அனுப்பிய சுற்றறிக்கையில் மாணவர்கள் காலாண்டு, அரையாண்டு தேர்வை முழுமையாக எழுதாமல் இருந்தால் அவர்கள் தேர்வுக்கு வரவில்லை என்பதை பதிவு செய்ய வேண்டும் என்று தேர்வுத் துறை இயக்குனர் பழனிசாமி உத்தரவிட்டுள்ளார். இது ஆசிரியர்கள் மத்தியில் குழப்பத்தை ஏற்படுத்துவதாக உள்ளது. அந்த சுற்றறிக்கையில், காலாண்டு, அரையாண்டு தேர்வை முழுமையாக எழுதாத மாணவர்களின் விவரங்களை பள்ளி தலைமை ஆசிரியர்கள் சேகரித்து விடைத்தாள் ஒப்படைப்பு மையத்தில் ஒப்படைக்க வேண்டும் என்றும் அந்த விவரங்கள் தனியாக பராமரிக்கப்பட வேண்டும் என தெரிவிக்கப்பட்டுள்ளது.
மத்திய நேரடி வரிகள் வருவாய் ஆணையமானது இதுதொடர்பாக வெளியிட்டுள்ள அறிவிக்கையில் கூறப்பட்டுள்ளதாவது ; இனி வரி பிடித்தம் செய்பவர்கள் ஏதேனும் ஒரு குறிப்பிட்ட காரணத்திற்காக வருவாய் மூலத்தில் வரி பிடித்தம் செய்யவில்லை என்றால் , அதற்கான காரணத்தை தெளிவாக குறிப்பிட வேண்டும்.